आज सुनको भाउ ह्वातै घट्यो

६ असोज, काठमाडौं । सुनको भाउ ह्वातै घटेको छ । मंगलबार सुनको भाउ प्रतितोला १७ सय रुपैयाँ घटेको हो । नेपाल सुन चाँदी व्यवसायी महासंघका अनुसार छापावाल सुनको भाउ तोलाको ९५ हजार ५ सय रुपैयाँमा कारोबार भएको छ ।

यसैगरी, तेजावी सुनको मूल्य तोलाको ९५ हजार रुपैयाँ निर्धारण भएको छ । यस दिन चाँदीको भाउ पनि प्रतितोला ९० रुपैयाँले घटेर १२ सय ३० रुपैयाँ कायम भएको छ ।

यसअघि, सोमबार छापावाल सुनको भाउ तोलाको ९७ हजार २ सय रुपैयाँमा कारोबार भएको थियो । यसैगरी, तेजावी सुनको मूल्य तोलाको ९६ हजार ७ सय रुपैयाँ रहेको थियो । चाँदीको भाउ प्रतितोला १३ सय २० रुपैयाँ रहेको थियो ।