पार्टी एकताको काम १० दिनभित्र सकाउने नेकपाको निर्णय

६ असोज, काठमाडौं । नेपाल कम्युनिस्ट पार्टी ‘नेकपा’को ६८ औं सचिवालय बैठकले पार्टी एकताको काम १० दिनभित्र सकाउने निर्णय गरेको छ। प्रधानमन्त्री निवास बालुवाटारमा आज (मंगलवार) बसेको सचिवालय बैठकले रिक्त रहेका संवैधानिक निकायहरुमा नियुक्त गर्न आग्रह गरिएको हाे।

लामो समयदेखि रिक्त संवैधानिक परिषदमा नियुक्ति गर्न प्रकिया थाल्ने, परिषद्को बैठक छिटो राख्न प्रधानमन्त्रीलाई आग्रह गर्नेलगायतका निर्णय पनि बैठकले गरेको छ। बाँकी रहेका विविध एजेन्डामा २-३ दिन भित्र बैठक बसेर छलफल र निर्णय गर्ने सहमति पनि भएको श्रेष्ठले बताए।

असोज ४ गते पेरिसडाँडामा सुरु भएको बैठक मंगलवार भने बालुवाटारमा बसेको हो। मन्त्रिपरिषद पुनरगठनका बिषयमा टुंगो लगाइने भनिए पनि ओली प्रचण्डबीच मन्त्री कसलाई बनाउने भन्ने विषयमा सहमति भइनसकेको बताइएको छ।