बर्दियामा कोरोना संक्रमित ६४ वर्षीय पुरुषको मृत्यु

६ असोज, बाँके । कोहलपुरमा उपचारका क्रममा आज एक कोरोना संक्रमितको निधन भएको छ । बर्दिया ठाकुरबाबा नगरपालिका वार्ड नम्बर-७ कालीगौडिका  ६४ वर्षीय पुरुषको मृत्यु भएको हो ।

जिल्ला जनस्वास्थ्य कार्यालय बाँकेका कोरोना फोकल पर्सन नरेश श्रेष्ठले उनको कोहल मेडिकल कलेजमा उपचारका क्रममा मृत्यु भएको बताए । यससँगै बाँकेमा उपचारका क्रममा मृत्यु हुने पाँच जना पुगेका छन् । यसअघि कैलाली, अछाम, अर्घाखाँची र सुर्खेतका कोरोना संक्रमितको बाँकेमा मृत्यु भएको थियो ।