रोनाल्डोको रोजाईमा युभेन्ट्स फर्किए मोराटा

७ असोज, एजेन्सी । क्रिष्टियानो रोनाल्डोको रोजाईमा अल्भारो मोराटा इटालियन क्लब युभेन्ट्स फर्किएका छन् । सिरी ए क्लब युभेन्ट्सले मोराटालाई एक सिजनको लागि लोनमा अनुबन्धन गरेको हो ।

क्लब एट्लेटिको मड्रिडबाट युभेन्ट्सले मोराटालाई क्लब फर्काएको हो । २७ वर्षीय मोराटाले यस अघि सन् २०१४ देखि १६ सम्म टुरिनमा बिताएका थिए ।

टुरिनमा दुई सिजन रहदा उनले ९३ खेलमा २७ गोल गरेका थिए । त्यसपछि मोराटा रियल मड्रिड र चेल्सी हुँदै एट्लेटिको आएका थिए । पछिल्लो समय च्याम्पियन्स लिग जित्न रोनाल्डोले मोराटोलाई टिममा ल्याउनुपर्ने बताएका थिए । युभेन्ट्सले मोराटा ल्याउन गोन्जालो हिग्वुईनलाई बेचेको छ ।