बामदेवबारे टुंगो नलागेसम्म मन्त्रिमण्डल पुनर्गठन रोकियो
नेपालबहस संवाददाता
असोज ७, २०७७ बुधबार १६:१:४६
७ असोज, काठमाडौं । मन्त्रिमण्डल पुनर्गठनको अन्तिम तयारीमा पुगिसकेको सत्ताधारी नेपाल कम्युनिष्ट पार्टी आन्तरिक भागबण्डामा अझै सहमति नजुट्दा लम्बिने देखिएको छ । पार्टी सचिवालय बैठकले पुनर्गठनको मापदण्ड तयार गर्ने भनिएकोमा हिजो एकाएक संवैधानिक पदमा नियुक्तितर्फ बहस सोझियो ।
सोही अनुरुप सरकारलाई नियुक्तिको व्यवस्था गर्न सचिवालयले निर्देशन दिएको छ । साथै, पार्टी एकताको बाँकी काम टुंग्याउन १० दिनको म्यादसमेत दिएको छ । अब दुवै अध्यक्षले पार्टी एकताको बाँकी काम सक्ने र यसैबीचमा संवैधानिक पदहरुमा नियुक्तिको प्रबन्ध मिलाउने छन्– कार्यकारी अध्यक्ष पुष्पकमल दाहाल ‘प्रचण्ड’ निकट स्रोतले बतायो ।
त्यसपछि मात्रै मन्त्रिमण्डल पुनर्गठनको विषयमा छलफल हुनेछ– स्रोतले भन्यो । पहिला त पार्टी एकता प्रक्रिया टुंग्याएर संवैधानिक पदहरुमा नियुक्ति गर्न पहल सुरु हुनेपनि स्रोतले बताएको छ । यसका लागि संवैधानिक परिषदका सदस्यसमेत रहेका प्रमुख प्रतिपक्षी नेपाली कांग्रेस संसदीय दलका नेता शेरबहादुर देउवासँग निर्णायक छलफल गरिने खुमलटार निकट स्रोतको दावी छ ।
प्रचण्ड आफ्नो सिफारिशमा मन्त्री भएका दुई जनालाई फिर्ता गर्न चाहन्छन् । गृहमन्त्री रामबहादुर थापा र आपूर्ति मन्त्री लेखराज भट्टलाई फिर्ता बोलाएर अरुलाई पठाउने उनको चाहना हो । तर ओली भने यी दुवै मन्त्रीलाई तत्काल हटाउने पक्षमा छैनन् ।
सम्भवतः आजै देउवासँग यसबारे छलफल हुने दावी गरिएको छ । प्रधानमन्त्री ओली र अध्यक्ष प्रचण्डबीच सैद्धान्तिक सहमति भइसकेको छ, तर देउवासँग निर्णायक छलफल गर्न बाँकी रहेकाले आजै वार्ता हुन सक्छ – स्रोतले भन्यो । तर प्रधानमन्त्रीसमेत रहेका पार्टी अध्यक्ष केपी ओली भने सबै नियुक्ति प्याकेजमै गर्ने पक्षमा देखिएका छन् । मन्त्रिपरिषद पुनर्गठनदेखि संवैधानिक पदमा गरिने नियुक्तिलाई प्याकेजमा डिल गर्ने उनको चाहना छ ।
अहिले मन्त्रिमण्डल पुनर्गठन गर्न प्रधानमन्त्री इच्छुक हुनुहुन्न, त्यसैले दशैंपछि मात्र होला– बालुवाटार निकट स्रोत भन्छ । सचिवालय बैठकमार्फत बामदेव गौतम र नारायणकाजी श्रेष्ठलाई मन्त्रालय नै तोकेर मन्त्री बनाउने निर्देशन दिने तयारी भएको बुझेपछि ओलीले प्याकेज डिलको प्रस्ताव गरेका हुन् ।
प्रधानमन्त्री ओली स्वयं गौतम र श्रेष्ठलाई मन्त्रिमण्डलमा सामेल गराएर अगाडि बढ्न चाहन्थे भन्दै तर प्रचण्ड– नेपाल पक्षले त्यसको राजनीतिक लाभ लिन खोजेकाले परिस्थिति फेरिएको दावी उनको रहेको छ । गौतमलाई अर्थ र श्रेष्ठलाई परराष्ट्र मन्त्री नै तोकेर प्रचण्ड– नेपाल पक्षले निर्णय गराउने वातावरण बनेको आभास पाएका ओलीले नयाँ रणनीति अपनाए ।
अब गौतमको राष्ट्रियसभा सदस्यबारे सर्वाेच्च अदालतमा रिट निवदेन परेको छ, त्यसको छिनोफानो भएपछि मात्रै मन्त्रिमण्डल पुनर्गठन हुने छ– बालुवाटार निकट स्रोतको भनाई छ । ओलीले अर्का अध्यक्ष प्रचण्डलाई समेत पार्टी एकताको काम सम्पन्न गरेपछि मात्रै अरु काम थाल्नु उपयुक्त हुने तर्क गरेका छन् । सोही बमोजिम “टाइम बाई“ गर्ने ओलीको दाउ हो– प्रचण्ड निकट स्रोतको भन्छ ।
जे भएपनि अब सर्वाेच्च अदालतमा मुद्धा परिसकेकाले यसको निरुपण भएपछि मात्रै गौतम र श्रेष्ठको हकमा निर्णय गर्नुपर्ने भन्दै मन्त्रिमण्डल पुनर्गठन पछाडि धकेलिएको छ– स्रोतको दावी छ । मन्त्रिमण्डल पुनर्गठन गर्नुपूर्व दुवै अध्यक्षबीच फेरि पनि छलफल हुने र त्यसैका आधारमा निर्णय हुने पनि स्रोतले बताएको छ ।
प्रधानमन्त्री ओली र अध्यक्ष प्रचण्डबीच यसबारे मतान्तर रहेको छ । ओली अहिलेकै मन्त्रिमण्डललाई केही समय कायम राख्न चाहन्छन् भने प्रचण्ड नयाँलाई अवसर दिएर नयाँ गतिका साथ सरकार चलाउने पक्षमा छन् । ओलीले हाल खाली रहेका मन्त्रालयमा मात्रै नयाँ मन्त्री थपेर जाने पक्षमा रहेका छन् । यसबारे उनले प्रचण्डलाई प्रस्ताव गरिसकेका छन् । तर प्रचण्ड भने ओलीको प्रस्तावमा सहमत देखिएका छैनन् ।
प्रचण्ड आफ्नो सिफारिशमा मन्त्री भएका दुई जनालाई फिर्ता गर्न चाहन्छन् । गृहमन्त्री रामबहादुर थापा र आपूर्ति मन्त्री लेखराज भट्टलाई फिर्ता बोलाएर अरुलाई पठाउने उनको चाहना हो । तर ओली भने यी दुवै मन्त्रीलाई तत्काल हटाउने पक्षमा छैनन् । त्यसैले पनि सहमति जुट्न नसकेको दावी प्रचण्ड निकट स्रोतले गरेको छ । तर दशैं लगत्तै मन्त्रिमण्डल पुनर्गठन हुनेमा दुवै पक्ष सहमत छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार