डा.केसीको जीवन रक्षा गर्न कांग्रेसको माग

७ असोज, काठमाडौं । नेपाली कांग्रेस अनसनरत डा. गोविन्द केसीको जीवन रक्षा गर्न माग गरेको छ । कांग्रेस प्रवक्ता विश्वप्रकाश शर्माले विज्ञप्ति जारी गर्दै डा.केसीको जीवन रक्षा गर्न माग गरेको हो ।

साथै कांग्रेसले डा.केसीसँग वार्ता गर्न टोली गठन गर्न समेत आग्रह गरेको छ । केसीसँग यसअघि भएका सहमतिको कार्यान्वयन गराउन प्रधानमन्त्री केपी शर्मा ओलीले अग्रसरता लिनुपर्ने कांग्रेसको माग छ ।

भदौ २९ गतेदेखि जुम्लामा अनशन शुरु गरेका डा.केसी हिजो मात्रै काठमाडौं आएका थिए । एक हप्ता लामो अनसनबाटै उनको स्वास्थ्य अवस्था गल्न थालेको चिकित्सकहरुको भनाई छ । तर सरकारले अहिलेसम्म पनि माग सम्बोधन गर्नु कुनै पहल थालेको छैन् ।