मन्त्रीको नाम टुंगो लगाउन ओली-प्रचण्ड छलफल

८ असोज, काठमाडौं । मन्त्री हेरफेरका विषयमा छलफल गर्न प्रधानमन्त्री तथा नेकपा अध्यक्ष केपी शर्मा ओली र कार्यकारी अध्यक्ष पुष्पकमल दाहाल प्रचण्डबीच भेटवार्ता भएको छ।

बालुवाटारमा भएको भेटमा सचिवालय बैठकले गरेका निर्णय कार्यान्वयन गर्नेबारे छलफल भएको हो । सचिवालय बैठकले मन्त्रीमण्डल फेरबदलको अधिकार अध्यक्षद्धयलाई दिएको छ ।

बैठकले १० दिनभित्र सांगठनिक एकताको प्रस्ताव पेश गर्न दुई अध्यक्ष र महासचिवलाई पनि जिम्मेवारी दिएको थियो। स्थायी कमिटी बैठकले मन्त्रिपरिषद् पुनर्गठन गर्ने निर्णय गरेकाले दुई अध्यक्षले छलफल गरेर अघि बढ्ने सहमति भएको छ । दुई अध्यक्षबीच छलफल भएकाले यसै वा अर्को सातासम्म मन्त्रिपरिषद पुनर्गठन गर्ने तयारी छ ।