युवाहरुलाई लक्ष्य नबदल्न नायक प्रदीप खड्काको सुझाव

८ असोज, काठमाडौं । नायक प्रदीप खड्काले आफ्नो जीवनको लक्ष्य नबदल्न युवाहरुलाई आग्रह गरेका छन । सामाजिक सञ्जाल इन्स्टामा फोटो अपलोड गर्दै खड्काले आफ्नो जीवनको बाटो परिवर्तन गरेपनि लक्ष्य परिवर्तन नगर्न आग्रह गरेका हुन् ।

प्रदीपले अभिनय गरेको फिल्म ‘प्रेमगीत ३’ प्रदर्शन हुन बाँकी छ । यो फिल्मबाट उनी आफ्नो स्टारडम फर्काउन सक्ने मौका हेरिरहेका छन् । प्रेमगितबाटै शुरु भएको उनको फिल्मी करियर फेरि प्रेमगितबाट उकासिनको विश्वास उनमा छ । तर यसबीचमा लकडाउन घातक बनेर उभिएको छ ।

निर्देशक दिनेश राउतको एक फिल्म साइन गरेका उनले ‘प्रेमगीत’ टिमकै नयाँ फिल्म ‘हुतुतु’ मा पनि काम गर्ने योजना समेत बनाएका छन् । तर प्रेमगित ३ सफल भएपछि मात्रै उनको फिल्मी करियर थप अगाडी बढ्ने विश्वास छ । नभए उनलाई अगाडी बढ्न भने गाह्रै छ ।