ओलीको खोक्रो राष्ट्रवाद ! पाठ्यपूस्तकको वितरण रोकेकामा कांग्रेस बीपीको आपत्ति
नेपालबहस संवाददाता
असोज ८, २०७७ शुक्रबार २:१:४३
८ असोज, काठमाडौं । नयाँ नक्सासहितको पाठ्यपुस्तक वितरणमा प्रधानमन्त्री केपी शर्मा ओलीले रोक लगाएपछि नेपाली कांग्रेस बीपीले आपत्ति जनाएको छ । पाठ्यपूस्तकमा नेपालको नक्सा छापेर पनि अन्तिम समयमा वितरण गर्न रोक लगाउनु गैरजिम्मेवार काम भएको भन्दै नेपाली कांग्रेस बीपीले यसबाट प्रधानमन्त्री ओलीको खोक्रो राष्ट्रवाद उदांगो भएको जनाएको छ ।
२०७७ साल जेष्ठ महिना ५ गते मन्त्रिपरिषदको निर्णय अनुसार भुमि व्यवस्था मन्त्रि माननीय पद्या अर्यालबाट जेष्ठ ७ गते लिपुलेक, कालापानी र लिम्पियाधुरा सहित समेटिएको नक्सा नेपालको नयाँ नक्सा सबै राजनीतिक दलको सहमतिमा संघीय संसदको दुवै सदनबाट पारित भएको थियो ।
प्रतिनिधिसभाबाट जेष्ठ ३१ गते र राष्ट्रियसभाबाट असार ४ गते निसान छापमा भएको पुरानो नेपालको नक्सा संशोधित गरी ५९ वर्ष देखि नेपालको भूभाग भारत सरकारको कब्जामा रहेको लिपुलेक, कालापानी र लिम्पियाधुरा सहित समेटिएको थप क्षेत्रफल ४६० दशमलव २८ वर्गकिलोमिटर सहित नेपालको कुल क्षेत्रफल १ लाख ४७ हजार ६४१ दशमलव २८ वर्गकिलोमिटर भएको थियो ।
तर कक्षा ९ देखि १२ सम्मका विद्यार्थीलाई वितरण गर्न ठिक्क पारिएको पुस्तक वितरण गर्न प्रधानमन्त्री ओलीले नै शिक्षामन्त्री गिरिराजमणि पोखरेललाई रोक लगाउनुले गम्भिर अवस्था सिर्जना भएको भन्दै आफ्नो गम्भिर ध्यानाकर्षण भएको कांग्रेस बीपीले जनाएको छ ।
‘पुस्तक छपाई गर्नु पुर्व पाण्डुलिपि तयार भएपछि शिक्षामन्त्रीले प्रधानमन्त्री, पार्टी अध्यक्ष सचिवालय सदस्य तथा प्रमुख प्रतिपक्ष पार्टी लगायत विभिन्न राजनैतिक दलहरुलाई पाण्डुलिपि उपलब्ध गराई सुझाव मागिएकोमा सबैले शुभकामना दिएका थिए’ कांग्रेस बीपीले जारी गरेको विज्ञप्तीमा भनिएको छ, ‘प्रधानमन्त्रीबाट नै पुस्तक वितरण नगर्न निर्देशन दिनुले प्रधानमन्त्री राष्ट्रियताप्रति संवेदनशील नरहेको तथा खोक्रो राष्ट्रवादको नारा दिएको प्रष्ट हुन् जान्छ ।’
नेपालको नयाँ नक्सा भुमिसित जोडिएको संवेदनशील विषय भएकोले विद्यार्थीहरुलाई नयाँ नक्सा सम्बन्धि अध्ययन गर्नबाट बन्चित गरिएका कारण यसको जवाफ प्रधानमन्त्री ओलीले सबै जनता र विद्यार्थीलाई दिनुपर्ने कांग्रेस बीपीले माग गरेको छ ।
प्रधानमन्त्री ओलीले पाठ्यपूस्तकमा केही त्रुटि भएकाले सच्याएर मात्रै वितरण गर्न निर्देशन दिएपनि शिक्षामन्त्री पोखरेलले भने प्रधानमन्त्रीको निर्देशनका कारण वितरण रोकिएको बताएका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसरकारले तोक्यो चैते धानको समर्थन मूल्य
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
राष्ट्रिय सभाकी उपाध्यक्ष अर्यालले बुझाइन राजीनामा
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार