अनसनरत डा.केसीको स्वास्थ्य अवस्था नाजुक !

९ असोज, काठमाडौं । अनसनरत डा. गोविन्द केसीको स्वास्थ्य अवस्था नाजुक भएको छ । भदौ २९ गतेदेखि अनसनरत डा.केसीको स्वास्थ्य अवस्था नाजुक हुदै गएको डाक्टरहरुले बताएका छन् । शिक्षण अस्पतालमा अनसन बसिरहेका डा.केसीको स्वास्थ्य अवस्था नाजुक हुदै गएपनि सरकारले माग सुनुवाई गरेको छैन् ।

कर्णाली स्वास्थ्य विज्ञान प्रतिष्ठान जुम्लामा एमबिबिएस पठनपाठन थाल्नुपर्ने, उपत्यका बाहिरका प्रतिष्ठानमा स्तरवृद्धि गरेर विद्यार्थीलाई त्यहीबाट पढ्न पाउने अधिकार सुनिश्चित गर्नुपर्ने, आफूसँग भएका पूराना सम्झौता कार्यान्वयन गर्नुपर्ने लगायतका माग राखेर डा.केसीले अनसन थालेका हुन् ।

जुम्लामा अनसन थालेका डा.केसीले स्वास्थ्य अवस्था र पछि थप धरपकड हुने जोखिमलाई न्युनिकरण गरेर आफै काठमाडौं आएर शिक्षण अस्पतालमा अनसनलाई निरन्तरता दिएका हुन् । डा.केसीको स्वास्थ्य अवस्था नाजुक हुदै जाँदा देशभर उनको समर्थनमा प्रदर्शन हुन थालेको छ । शुक्रबार काठमाडौंसँगै वीरगञ्ज र दमौलीमा पनि प्रदर्शन भएको छ ।