पग्लियो उत्तर कोरियाका क्रुर तानाशाहीको मन, मागे दक्षिण कोरियासँग माफी !
नेपालबहस संवाददाता
असोज ९, २०७७ शुक्रबार २१:४२:६
९ असोज, एजेन्सी । उत्तर कोरियाका सर्वोच्च नेता नेता किम जङ उनले पहिलो पटक दक्षिण कोरियासँग माफी मागेका छन् । सम्भवतः विश्वकै तानाशाही शासक उनले पहिलोपटक माफी मागेको हुन सक्ने अनुमान गरिएको छ ।
किमले आफ्ना दक्षिण कोरियाली समकक्षी मुन जे इनलाई एउटा पत्र पठाउँदै उत्तर कोरियाको जलसीमामा छिरेका दक्षिणका एक नागरिकलाई मारिएको लज्जाजनक घटनाका विषयमा माफी मागेका हुन् । ४७ वर्षीय एक सरकारी कर्मचारीलाई उत्तर कोरियाका सैनिकहरूले फेला पारेपछि गोली हानी मारेका थिए । र पछि उनको शव समेत जलाइएको थियो ।
उक्त घटना सार्वजनिक भएपछि दक्षिण कोरियामा आक्रोश उत्पन्न भएको छ। दुई देशबीचको सीमा कडा सुरक्षा व्यवस्था समेत कडा पारिएको छ । उत्तर कोरियाले देशमा कोरोनाभाइरस प्रवेश गर्न नदिने उद्देश्यले गोली हानेर मार्ने भन्ने नीति लागु गरेको भनिएको छ ।
राष्ट्रपति मुनलाई पठाएको पत्रमा किमले त्यो घटना हुनु हुँदैनथ्यो भनेर स्वीकारोक्ति गरेको दक्षिण कोरियाको राष्ट्रपतिको कार्यालयले जनाएको छ।
ब्लू हाउसका अनुसार किमले त्यो घटनालाई लज्जाजनक भन्दै मुन र दक्षिण कोरियाली जनताको चित्त दुखाएकोमा आफूलाई धेरै दुःख लागेको पनि बताएका छन् । उत्तर कोरियाले उक्त घटनाबारे गरिएको अनुसन्धानको परिणाम पनि दक्षिण कोरियालाई उपलब्ध गराएको छ।
सीमा नाघेर उत्तर कोरियाको जलक्षेत्रमा प्रवेश गरेका तर आफ्नो परिचय नखुलाई भाग्न खोज्ने ती व्यक्तिलाई १० वटाभन्दा बढी गोली हानिएको थियो ।
दुई देशबीच सम्बन्ध बिग्रिएको बेला किमले यसरी क्षमायाचना गरेका छन्। अहिले प्योङ्याङ र वाशिङ्टनबीच उत्तर कोरियाको परमाणु कार्यक्रमको विषयमा विवाद हुने गरेको छ। स्रोत :बीबीसी
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपउत्तरी इलेनोइसमा छुरा प्रहार, ४ जनाको मृत्यु
चैत १५, २०८० बिहिबार
बंगलादेशकी पूर्वप्रधानमन्त्री जियाको जेल सजाय थपियो
चैत १५, २०८० बिहिबार
केजरीवाललाई मुख्यमन्त्रीबाट हटाउने रिट अदालतद्वारा खारेज
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार