नेपालमा शुक्रबार कोरोनाले ६ जनाको मृत्यु

९ असोज, काठमाडौं । नेपालमा कोरोना भाइरसको संक्रमणबाट थप ६ जनाको मृत्यु भएको छ । पछिल्लो चौबिस घण्टामा कोरोनाले ६ जनाको मृत्यु भएको स्वास्थ्य मन्त्रालयले जनाएको छ । यससँगै नेपालमा कोरोना मृत्तकको संख्या ४५९ पुगेको छ।

मृत्यु हुनेमा तीन महिला र तीन पुरुष छन् । मोरङमा एक पुरुष र एक महिला गरी दुईजनाको मृत्यु भएको छ । त्यसैगरी काठमाडौंमा एक र कपिलवस्तुमा एक गरी दुई महिलाको मृत्यु भएको छ । यस्तै ललितपुर र सप्तरीमा एक एक पुरुषको मृत्यु भएको स्वास्थ्य मन्त्रालयले आयोजना गरेको पत्रकार सम्मेलनमा प्रवक्ता डा. जागेश्वर गौतमले जानकारी दिए ।

शुक्रबार मात्रै १३ सय १३ जना कोरोना संक्रमित थपिएका छन्। भने १४ सय ५५ जनाले भने कोरोना संक्रमणलाई जित्न सफल भएका छन्। यससँगै कोरोना संक्रमितको संख्या ७० हजार नाघेको छ भने कोरोना जित्नेको संख्या ५१ हजार ८६६ पुगेको छ ।