शिक्षण अस्पतालमै पुगेर डा. केसीका मागमा नेविसंघको ऐक्यबद्धता

९ असोज, काठमाडौं । नेपाली कांग्रेसको विद्यार्थी भ्रातृ संगठन नेपाल विद्यार्थी संघले अनसनरत डा. गोविन्द केसीका मागप्रति ऐक्यबद्धता जनाएको छ । त्रिवि शिक्षण अस्प्ताल पुगेर नेविसंघका पदाधिकारीले डा.केसीको अनसन र उनले उठाएको मागमा ऐक्यबद्धता जनाएका हुन् ।

नेविसंघका अध्यक्ष अध्यक्ष राजीव ढुङ्गाना, महामन्त्रीहरु युवराज पाण्डेय, बलदेव तिमल्सिना, उर्मिला थपलिया र दिपक भट्टराई लगायतको टोली त्रिवि शिक्षण अस्पताल पुगेर डा.केसीका मागमा ऐक्यवद्धता जनाएका हुन् ।

कर्णाली, मधेस र पूर्वी नेपालका सरकारी कलेजमा एमबिबिएस पठनपाठन हुनुपर्ने, विगतमा आफूसँग भएका माग कार्यान्वयन हुनुपर्ने माग गर्दै डा.केसी भदौ २९ गतेदेखि अनसनमा छन् ।