सल्यानमा फेरि अनिश्चितकालिन निषेधाज्ञा जारी

९ असोज, सल्यान । शुक्रबारदेखि नै सल्यानमा अनिश्चितकालिन निषेधाजा जारी गरिएको छ। जिल्ला प्रशासन कार्यालय सल्यानले शुक्रबार राती १२ बजेदेखि लागु हुने गरी जिल्लाभर अनिश्चितकालीन निषेधाज्ञा जारी गरेको हो।

कोरोना भाइरसका संक्रमितको संख्या बढ्दै गएको भन्दै रोकथान तथा नियन्त्रणका लागि निषेधाज्ञा जारी गर्नु परेको प्रमुख जिल्ला अधिकारी हेमराज तामाङले बताएका छन् ।

निषेधाज्ञाको अवधिमा खुला स्थानमा मानिसहरू भेला हुन, सभा, सम्मेलन तथा जुलुस, जात्रा गर्न नपाइने उल्लेख छ । यस्तै मठ, मन्दिरमा भीडभाड गर्न, शैक्षिक संस्था सञ्चालन गर्न पनि बन्देज लगाइएको सल्यानका प्रमुख जिल्ला अधिकारी तामाङले बताएका छन् ।