आईपीएलमा चेन्नेई र दिल्ली खेल्दै, सन्दीपको सम्भावना कति ?

९ असोज, एजेन्सी । आईपीएल क्रिकेटमा आज चेन्नेई र दिल्ली क्यापिटल्स खेल्दैछन् । दुबई अन्तर्राष्ट्रिय स्टेडियममा हुने खेलमा दुबै टिम लगातार दोस्रो जितको खोजीमा हुनेछन् ।

पहिलो खेलमा चेन्नेईले मुम्बईलाई हराएको थियो भने दिल्लीले पञ्जाबलाई हराएको थियो । दिल्लीबाट आज नेपाली लेग स्पिनर सन्दीप लामिछाने खेल्ने सम्भावना छ ।

चेन्नेईका व्याट्सम्यानलाई हराउन स्पिनर मुख्य हतियार हुने भएकाले आज आश्विन सन्चो भएको ठाउँमा सन्दीप पनि खेल्ने सम्भावना बढेको हो ।