प्रधानमन्त्रीका निजी चिकित्सक शाहलाई कोरोना पुष्टि

१० असोज, काठमाडौं । प्रधानमन्त्री केपी शर्मा ओलीका निजी चिकित्सक तथा त्रिभुवन विश्वविद्यालय चिकित्साशास्त्र अध्ययन संस्थान  (आईओएम ) की डीनसमेत रहेकी डा. दिव्या सिंह शाहलाई शनिबार कोरोना पुष्टि भएको छ ।

कोरोनासँग मिल्दोजुल्दो लक्षण देखिएपछि उनले त्रिवि शिक्षण अस्पतालकै ल्याबमा पीसीआर परीक्षण गरेकी थिइन । उनको पीसीआर रिपोर्ट आज पोजेटिभ आएको हाे ।पीसीआर रिपोर्ट पोजेटिभ आएपछि स्वास्थ्य अवस्था सामान्य भएकाले उनी अहिले होम आइसोलेसनमै बसिरहेकी छिन ।

प्रधानमन्त्री ओलीकी निजी चिकित्सक भए पनि उनले बाहिर धेरै एक्सपोजर हुनु पर्ने भएका कारण  प्रधानमन्त्री ओलीसँग भने लामो समयदेखि भेटघाट नभएको बताएकी छन् ।