सप्तरीमा तीन बिरामीसहित थप १२ जनामा संक्रमण

◊ धीरुभाइ

१० असोज, सप्तरी । सप्तरीमा शनिबार आकस्मिक कक्षमा उपचाररत तीन विरामीसहित थप १२ जनामा कोरोना संक्रमण पुष्टि भएको छ ।  राजविराज स्थित गजेन्द्र नारायण सिंह अस्पतालको आकस्मिक कक्षमा उपचाररत जिल्लाको राजगढ गाउँपालिका वार्ड नम्बर ५ बस्ने ४२ वर्षीय पुरुष, राजविराज नगरपालिका ६ बस्ने ४० वर्षीय पुरुष, लहान सिरहाका २५ वर्षीय पुरुष, अस्पतालका २७, ३३ वर्षीय पुरुष कर्मचारीमा कोरोना संक्रमण भेटिएको स्वास्थ्य कार्यालय सप्तरीका वरिष्ठ मलेरिया इन्सपेक्टर नारायणप्रसाद राउत बरैले जानकारी दिए ।

त्यस्तै छिन्नमस्ता गाउँपालिका ३ बस्ने ३० वर्षीय पुरुष, खडक नगरपालिका वार्ड नम्बर ८ बस्ने ४० वर्षीया महिला, २४ वर्षीय पुरुष, १४ वर्षीया महिला, २७ वर्षीया महिला, वार्ड नम्बर ९ का १ वर्षीय पुरुष र तिलाठी कोइलाडी गाउँपालिका १ बस्ने २३ वर्षीय पुरुषमा कोरोना संक्रमण पुष्टि भएको उनले बताए ।

यससँगै जिल्लामा कूल संक्रमितको संख्या एक हजार २४६ पुगेको छ । तीमध्ये ९२८ जना निको भएर घर फर्किसकेका छन भने १४ जनाको मृत्यु भइसकेको र ३०४ जना सक्रिय संक्रमित आइसोलेसनमा रहेको स्वास्थ्य कार्यालय सप्तरीका निमित कार्यालय प्रमुख दुनियालाल यादवले बताए