सेनापतिको भान्सामा पस्यो कोरोना, थापा क्वारेन्टाईनमा !

११ असोज, काठमाडौं । नेपाली सेनाका प्रधानसेनापति पूर्णचन्द्र थापाकोे भान्सामा समेत कोरोना भाइरसको संक्रमण देखिएको छ । प्रधानसेनापति थापा निवासको भान्छामा कार्यरत एकजना सदस्यमा शनिबार कोरोना संक्रमण पुष्टि भएको हो ।

भान्सेलाई कोरोना भएपछि सेनापति थापा होम क्वारेन्टाइनमा बसेका छन् । उनले केही दिनपछि कोरोना परीक्षण गर्ने तयारी गरेको नेपाली सेनाले जनाएको छ ।