पीसीआर गरेर विद्यार्थीलाई जाँचमा सहभागी गराउने निर्णय अवैज्ञानिक

११ असोज, काठमाडौं । सरकारले निजी मेडिकल कलेजले पीसीआर गरेर मात्र विद्यार्थीलाई जाँचमा सहभागी गराउने निर्णय अवैज्ञानिक भएको बताएको छ।

स्वास्थ्य तथा जनसंख्या मन्त्रालयका नियमित प्रेस ब्रिफिङमा प्रवक्ता डा. जागेश्वर गौतमले परीक्षामा पीसीआर रिपोर्ट गर्नु अवैज्ञानिक रहेको बताएका हुन्। उनले निर्णय कार्यान्वयन नगर्नसमेत निर्देशन दिएका छन।

लक्षण नभएको कुनै पनि विद्यार्थीलाई पीसीआर गर्नु नपर्ने मन्त्रालयले जनाएको छ। काेराेना भाइरस संक्रमणको लक्षण देखिएमा वा सरकारले बनाएको मापदण्डमा परेकाकाहरुको मात्रै पीसीआर गर्नुपर्ने गौतमले बताए ।

लक्ष्मण भएका, संक्रमितको सम्पर्कमा आएकाहरु, फ्रान्टलाइनमा काम गर्ने लगायतका सरकारले तोकेको मापदण्डभन्दा बाहिरको मानिसहरुलाई टेष्ट गराउनु गलत भएको मन्त्रालयले जनाएको छ ।