बुधबार , कार्तिक १२, २०७७

कोरोनाले एक जनाको मृत्यु भएपछि नगरपालिका शिल

कोरोनाले एक जनाको मृत्यु भएपछि नगरपालिका शिल

११ असोज, बैतडी । कोरोनाले एक जनाको मृत्यु भएपछि बैतडीको पुर्चौडी नगरपालिका शिल गरेको छ । नगर उपप्रमुख जानकी ऐर बमको अध्यक्षतामा बसेको आकस्मिक बैठकले कोरोनाका कारण नगरपालिका क्षेत्र शिल गर्ने निर्णय गरेको हो।

बैठकले स्वास्थ्य सेवाबाहेकका अन्य सम्पूर्ण सरकारी, गैरसरकारी कार्यालयका सेवा अनिश्चितकालका लागि बन्द रहने निर्णय गरेको छ । नगरपालिकामा रहेका सबै विद्यालय, वित्तीय संस्था, सरकारी कार्यालयहरु बन्द रहने छन् ।

यस्तै, सबै प्रकारका व्यापार, व्यवसाय र यातायात सेवा पनि बन्द गर्ने निर्णय भएको छ। यसका साथै आवत जावतमा पनि पूर्ण रुपमा बन्द गरिएकाले एक वडाबाट अर्को वडामा आउन जान पनि रोक लगाइएको छ। भारतको बैंग्लोरबाट फर्किएका पुर्चौडी नगरपालिका ३ का २९ बर्षीय पुरुष घर पुग्नै लाग्दा शुक्रवार स्थानीय लामाधारमा मृत फेला परेका थिए।

मृत भेट्टिएका ती पुरुषको शनिवार गरिएको परीक्षणमा कोरोना पुष्टि भएका थियो। कोरोना पुष्टि भएपछि नगरपालिकाको बैठकले ती पुरुषको सम्पर्कमा आएकाहरुको कन्ट्याक ट्रेसिङ गरी स्वाब संकलन गरेर परीक्षण गर्ने निर्णय पनि भएको छ।

प्रतिक्रिया

पढ्न लाग्ने समय : 0 मिनेट

सम्बन्धित समाचार

नेपालबहस ट्रेन्डिङ

लोकप्रिय