सरकारको निर्देशनलाई अटेरी गर्दै निजी ल्याब, काेराेना टेष्टको शूल्क ३८९९ !

१२ असोज, काठमाडौं । कोरोना भाइरस परीक्षण गर्दै आएका निजी प्रयोगशालाहरुले सरकारको निर्देशन नमान्ने भएका छन । ८ वटा ल्याबले संयुक्त वक्तव्य नै जारी गर्दै आरडीटी–पीसीआर टेष्टको शूल्क ३८९९ रुपैयाँ लिने बताएका हुन् ।

सरकारले पीसीआर टेष्टको शूल्क २ हजार तोकेको छ । तर निजी प्रयोगशलाहरुले चर्को शूल्क लिइरहेको पाएपछि स्वास्थ्य तथा जनसंख्या मन्त्रालयले तोकेको शूल्क मात्र लिन भनेको थियो । तर स्टार, ह्याम्स, बीएण्डबी, मेडिसिटी, डिकोड, सौर्य, सेन्ट्रल डायगनोस्टिक र इन्ट्राप्रिड प्रयोगशालाले संयुक्त वव्यक्त जारी गर्दै ३८९९ रुपैयाँ शूल्क लिने बताएका छन् ।

विश्व श्वास्थ्य संगठनको मापदण्ड बमोजिम यो शूल्क यथार्थपरक रहेको उमेत उनीहरुले दाबी गरेका छन् । स्वास्थ्य मन्त्रालयले कोरोना परीक्षण शूल्क निर्धारण गर्दा न्यायोचित दररेटमा गर्नुपर्ने निजी ल्याबहरुको माग छ ।

पीसीआर परीक्षणका लागि आफूहरूले तोकेको ३ हजार ९ सय रुपैयाँ शुल्क नै यथार्थपरक रहेको दाबी गर्दै काठमाडौंका निजी ल्याबहरूले आफूहरूले ३९ सयभन्दा कम शुल्कमा परीक्षण गर्न नसक्ने उल्लेख गरेका छन्। उनीहरूले सरकारले आफूहरूसँग छलफल नगर्दासम्म ३९ सय नै असुल्ने उल्लेख गरेका छन्।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पनि केही दिनअघि कोरोना ब्रिफिङका क्रममा २ हजार मात्र शुल्क लिने निर्णय भएकाले सोहीअनुसार कार्यान्वयन गर्ने/गराउने निर्णय भएको जानकारी दिएका थिए। तर सरकारको निर्णयलाई निजी प्रयोगशालाले चुनौती दिएका छन्।