झरीले गोठ भत्किँदा एक जनाको मृत्यु

१२ असोज, बुटवल । अबिरल वर्षाका कारण झरीले जमिन गलेर गोठ भत्किदा पाल्पाको रिब्दीकोटमा एक जनाको मृत्यु भएको छ । रिब्दीकोट गाउँपालिकाको वडा नंं। ७ डबकामा सोमबार दिउँसो गोठ भत्किँदा गोठ मालिक स्थानीय ५५ वर्षका हरि लम्तरीको घटनास्थलमै मृत्यु भएको हो ।

गोठ भत्किँदा ४८ वर्षका अम्बरबहादुर पेग्नी गम्भीर घाइते भएका इलाका प्रहरी कार्यालय मुझुङले जनाएको छ । घटनामा एउटा भैंसी, पाडो र बाख्रासमेत च्यापिएर मरेका प्रहरीको भनाइ छ ।