काेशीमा सुनसरीका ६० वर्षीय पुरुषको मृत्यु, पाँच घन्टापछि कोरोना पुष्टि

१३ असोज, विराटनगर । विराटनगरस्थित कोशी अस्पतालको आइसोलेसनमा उपचारका क्रममा मृत्यु भएका पुरुषमा कोरोना पुष्टि भएको छ।

सुनसरीको दुहवी नगरपालिका ५ का ६० वर्षीय पुरुषको उपचारका लागि अस्पतालमा भर्ना गरिएको केही बेरमै मृत्यु भएको थियाे ।  उनमा ज्वरो, खोकी र श्वासप्रश्वासमा समस्या देखिएपछि सोमबार दिउँसो २ बजेतिर अस्पतालमा उपचारका लागि भर्ना गरिएको थियो।

मृत्युपछि स्वाब संकलन गरेर पीसीआर परीक्षण गराउँदा सोमबार राति ८ बजेतिर रिपोर्ट पोजेटिभ आएको उनको भनाइ छ। प्रदेश १ मा कोरोना संक्रमणबाट मृत्यु हुनेको संख्या ६५ पुगेको छ। ६ हजार पाँच सयभन्दा बढी संक्रमित छन्।