वरिष्ठ अधिवक्ता पन्तलाई कोरोना संक्रमण

१३ असोज, काठमाडौं । वरिष्ठ अधिवक्ता सुशीलकुमार पन्तलाई कोरोना संक्रमण पुष्टि भएको छ । सोमबार गरिएको परीक्षणमा उनको रिर्पोट पोजेटिभ आएको हो । कोरोना पुष्टि भएपनि कुनै लक्षण नदेखिएको उनले बताएका छन् ।

आफ्नै ल फर्ममा काम गर्ने एकजना वकिललाई कोरोना भएपछि उनी ट्रेसिङमा परेका थिए । ट्रेसिङमा परेर कोरोना परीक्षण गर्दा रिर्पोट पोजेटिभ आएको उनले फेसबुकमा लेखेका छन् ।

कोरोना पोजेटिभ देखिएपनि आफू सामान्य अवस्थामा रहेको र कोरोना जित्नेमा विश्वस्त रहेको उनले बताएका छन् । पन्त पूर्वमहान्यायाधिवक्ता समेत हुन् ।