आजबाट “सेफ्टी पीन अभियानका” लागि प्रहरी परिचालन

नेपालबहस संवाददाता

असोज १३, २०७७ बुधबार २:८:३२

१३ असोज, काठमाडाैं । नेपाल प्रहरीले आसन्न चाडपर्वमा “सेफ्टी पीन अभियानका” लागि प्रहरी परिचालन गरेकाे छ । चाडपर्वमा उपत्यकाका बढी भीडभाड हुने क्षेत्रहरू व्यापारिक, आर्थिक, तथा वित्तीय क्षेत्रहरूमा सेफ्टी पीन अभियान अन्तर्गत खटिएकका प्रहरीहरूलाई सादा पोशाकमा परिचालन गरिएकाे महानगरीय प्रहरी कार्यालयका प्रमुख प्रहरी नायब महानिरीक्षक विश्वराज पोखरेलले जानकारी दिए ।

सो अभियान अन्तर्गत खटिएको प्रहरी कर्मचारीहरूलाई मंगलबार महानगरीय प्रहरी कार्यालय, रानीपोखरीमा निर्देशन दिदै पोखरेलले सो अभियान सार्वजनिक सवारी साधन र सार्वजनिक स्थानहरूमा महिला माथि हुने यौनजन्य दुर्वव्यवहार न्यूनिकरणको लागी खटाइएको भए पनि हाल विश्वव्यापी रूपमा फैलिएको COVID-19 का कारण लकडाउन अबधि समाप्त भइ सार्वजनिक यातायात संचालन भएता पनि भीडभाड नहुने तर व्यापारिक क्षेत्रहरूमा भीडभाड बढेकाले सो जनशक्तिलाई आजैबाट त्यस्ता क्षेत्रहरूमा परिचाल गरिएको बताए ।

सेफ्टि पीन अभियान अन्तर्गत खटिएको प्रहरी कर्मचारीले सार्वजनिक स्थानमा महिला माथी हुने यौनजन्य दुर्व्यवहारलाई नियन्त्रण गर्नुका साथै चोरी, ठगी तथा पाकेटमारी समेतलाई नियन्त्रण गर्ने उहाले बताए । लकडाउन खुलेसँगैगै महिला तथा बालबालिकाविरूद्ध हुने विभिन्न खाले यौन तथा लैङ्गिक हिंसा रोकथाम तथा नियन्त्रणका लागी महिला प्रहरी निरीक्षकसहितको Plolice Mobile Van पनि २४ सै घण्टा उपत्यकामा परिचालन गरि समस्यामा रहेका व्यक्तिहरूलाई सेवा प्रवाह गरिने समेत बताए ।

नेपालबहस संवाददाता

नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

लेखकबाट थप