सुशान्तले ड्रग्स लिने थाहा पाएपछि ब्रेकअप दिए : सारा

१४ असोज, एजेन्सी । आत्महत्या गरेको भनिएका सुशान्तसिंह राजपुतसँग सम्बन्ध विच्छेद गर्नुको कारणबारे नायिका साराअली खानले मुख खोलेकी छिन् । चलचित्र ‘केदारनाथ’ सुटिङका क्रममा उनीहरु नजिकिएसँगै प्रेममा परेका थिए ।

एनसीबीसँगको बयानका क्रममा सुशान्त र आफू केही समय प्रेममा रहेको बयान साराले दिएकी हुन् । उनीहरु सन् २०१९ को जनवरीमा अलग भएका थिए ।

साराले एनसीबीसँगको बयानका क्रममा चलचित्र छायांकनका क्रममा सुशान्तको घर केप्रीमा गएको बताएकी छिन् । उनले, सुशान्तसँग केही समय उनको घरमा रहेको र ५ दिनका लागि थाइल्याण्ड टुरमा पनि गएको बयान दिएकी छिन् ।

सुशान्त ड्रग्स खाने भएरै आफूले ब्रेकअप दिएको साराको बयान छ । अहिले सशान्तसिंह राजपूतको आत्महत्याका विषयमा विभिन्न छानबिन चलिरहेको छ । जसकारण दिपिका, सारा लगायतका नायिकासँग सोधपुछ चलिरहेको छ ।