कोरोनाले विराटनगरका तारे होटल बन्द

१४ असोज, विराटनगर । विराटनगरमा कोरोनाका कारण दुई वटा तारे होटल बन्द भएका छन् । विराटनगरमा छुट्टै पहिचान बोकेका तारे होटल जेनिय र होटल नमस्कार बन्द भएका व्यवसायीले बताएका छन् ।

विराटनगरको ट्राफिक चौकमा स्थापित होटल नमस्कार व्यवसायीक रुपमा विराटनगरमा खुलेको पहिलो स्तरीय होटल हो । जेनियल प्रदेश १ मा ठूलो लगानीमा खुलेको पहिलो होटल हो ।

२०३७ सालमा स्थापना भएको होटल नमस्कारले मंगलबारबाट आफ्नो सेवा बन्दको घोषणा गरेको हो । २०५५ सालमा स्थापना भएको जेनियल होटल असार ११ बाटै बन्द भइसकेको छ ।

कोरोनाका कारण सञ्चालन खर्च धान्न नसकिने भएपछि होटल बन्द गरिएको व्यवसायीले बताएका छन् । कोरोनाकै कारण देशभरीकै होटल अहिले मुश्किलले चलिरहेका छन् ।