महिलाको बलात्कार हुँदा चिन्ता गर्नुपर्दैन भनेपछि गृहमन्त्रीको चर्को आलोचना
नेपालबहस संवाददाता
असोज १४, २०७७ बुधबार २१:५४:४०
१४ असोज, काठमाडौं । महिलामाथि बलात्कार विश्वका २०० बढी देशमा भइरहेको भनेपछि गृहमन्त्री रामबहादुर थापा बादलको चर्को आलोचना शुरु भएको छ । बुधबार संसदीय समितिको बैठकमा बोल्दै गृहमन्त्री बादलले विश्वका सवा २०० देशभन्दा नेपाल बलात्कारका घटनामा धेरै पछाडि रहेको भनेका थिए ।
राज्य व्यवस्था तथा सुशासन समितिको सोमबार बसेको बैठकमै गृहमन्त्री बादलले विवादास्पद अभिव्यक्ति दिएपछि उनको चर्को आलोचना शुरु भएको हो । विश्वको दाँजोमा नेपालमा बलात्कारका घटना कमै हुने गरेको भन्दै उनले यसलाई सामान्य मान्नुपर्ने बताएपछि धेरैले आपत्ति जनाएका छन् ।
प्रत्येक दिन नेपालमा ७ जनासम्म बलात्कार हुने गरेको भन्दै गृहमन्त्री बादलले अमेरिका लगायतका विकसित मुलुकको अवस्था नेपालको भन्दा खराब रहेको भन्दा सांसदले समेत विरोध गरेका थिए ।
लेखक तथा महिला अधिकारकर्मी सरिता तिवारीले सामाजिक सञ्जाल ट्वीटरमा लेखेकी छन्, ‘बलात्कार र हत्याजस्ता हरेक डरलाग्दा केशपछि असंवेदनशील अभिव्यक्ति दिँदै बस्ने यी गृहमन्त्री पदमा बसिरहन योग्य छन् ?
यस्तै पत्रकार बिनु सुवेदीले बलात्कारका बारेमा अभिव्यक्ति दिँदा घरमा पहिले छोरी र श्रीमतिसँग परामर्श गर्न सुझाव दिएकी छिन् । सामाजिक रुपमा बलात्कार घटना डरलाग्दो गरी बढिरहेका बेला हलुका र गैरजिम्मेवार तर्क दिन नहुने पत्रकार सुवेदीको भनाई छ ।
‘बलात्कारको प्रयास हुन, बलत्कार हुनु र बलात्कारपछि हत्या हुनु युद्धका बेला गोली ताक्नु, अपहरण गर्नु र मान्छे मार्नुजस्तो हैन गृहमन्त्री’ पत्रकार सुवेदीले फेसबुकमा लेखेकी छिन्, ‘यस्ता विषयमा अत्यन्तै गैरसंवेदनसिल भएर जे पायो त्यही बोल्नुअघि श्रीमती र छोरीसँग परामर्श गर्ने गर्नु ।’
यस्तै गृहमन्त्रीको अभिव्यक्ति र सरकारको कार्यशैलीबारे असन्तुष्टि जनाउँदै पूर्वगृहमन्त्री भीमबहादुर रावलले समेत ट्वीटरमा आफ्नो धारणा राखेका छन् । ‘जनता र देशको आवाजलाई उपदेश ठान्नेहरू जनता र देशको हितमा आवाज उठ्न नसकोस् भन्ने मानसिकताका वाहाक ठहरिन्छन्’ रावलले ट्वीटमा लेखेका छन्, ‘त्यस्तो मानसिकता निरंकुशता र स्वेच्छाचरी शासनका तावेदारहरूमा मात्र हुन्छ ।’
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपइलाम उपनिर्वाचनमा कांग्रेस
बैशाख १२, २०८१ बुधबार
पूर्वसभामुख अग्नि सापकोटाविरुद्धको मुद्दामा 'हेर्दहेर्दै', अर्को सुनुवाई जेठ २३ मा हुने
बैशाख १२, २०८१ बुधबार
जादाजादै कतारका अमिरले भने- आतिथ्यताका लागि नेपाल र नेपालीलाई धन्यवाद !
बैशाख १२, २०८१ बुधबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
इलाम उपनिर्वाचनमा कांग्रेस
बैशाख १२, २०८१ बुधबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
यस्तो छ आजको विदेशी मुद्राको विनिमय दर
बैशाख १३, २०८१ बिहिबार
आजको मौसम : यी ठाउँमा हुरीबताससहित वर्षाको सम्भावना
बैशाख १३, २०८१ बिहिबार
दिल्लीले चार रनले हरायो गुजरातलाई
बैशाख १३, २०८१ बिहिबार
यस्तो छ तपाइको आजको राशिफल
बैशाख १३, २०८१ बिहिबार
बागमती मन्त्रिपरिषद् बैठक : लैङ्गिक तथा यौनिक अल्पसङ्ख्यक नीति स्वीकृत
बैशाख १२, २०८१ बुधबार
स्याङ्जामा आगोले पाइप जलेपछि खानेपानीको समस्या
बैशाख १२, २०८१ बुधबार