कारबाओ कपमा पनि एभर्टनको शानदार जित

१५ असोज, एजेन्सी । कारबाओ कपमा एभर्टनले वेस्ट ह्याम युनाइटेडलाई हराएको छ । डोमिनिक कल्भर्ट लेविनले ह्याट्रिक गरेको खेलमा एभर्टनले वेस्ट ह्याममाथि ४–१ को जित निकालेको हो ।

जितसंगै एभर्टनले क्वार्टरफाईनलमा स्थान सुरक्षित गरेको छ । माइकल केनको पासमा लेविनले घरेलु टोली एभर्टनलाई ११ औं मिनेटमा सुरुवाती अग्रता दिलाएका थिए ।

इङ्ल्याण्डका फरवार्डले खेलको अन्तिम समयमा ६ मिनेटको अन्तरमा दुई गोल गरेका थिए । त्यसअघि जेम्स रोड्रिग्वेजको पासलाई सदुपयोग गर्दै रिचर्डलिसनले एभर्टनको अग्रतालाई दोब्बर बनाएका थिए ।

वेस्ट ह्यामका लागि फिलिप एन्डरसनले एक गोल फर्काएका थिए । लिविनले यस सिजन एभर्टनका लागि दोस्रो ह्याट्रिक पुरा गरेका छन् । क्लबले लगातार ६ खेलमा जित आत्मसाथ गरेको छ ।