प्रचण्डले बादल र लेखराजलाई मन्त्रीबाट हटाउन खोज्दा ओली त्रसित !

१५ असोज, काठमाडौं । नेकपामा मन्त्रिपरिषद पुनर्गठन गर्दा कसलाई हटाउने ? कसलाई मन्त्री बनाउने ? भन्ने विषयमा दुई अध्यक्षबीचको विवाद तन्किएको छ । पछिल्लो दुई सातायता प्रधानमन्त्री तथा नेकपा अध्यक्ष केपी शर्मा ओली र कार्यकारी अध्यक्ष पुष्पकमल दाहाल प्रचण्डबीच लगातार छलफल भएपनि कुरा मिल्न सकेको छैन् ।

खासगरी प्रचण्डले पुरै मन्त्रीलाई हटाएर नयाँलाई मन्त्री बनाउनुपर्नेमा जोड दिइरहेका छन् । तर ओली भने अहिले रहेका केही मात्रै मन्त्रीलाई हटाएर नयाँ मन्त्री थप्नुपर्नेमा जोड दिइरहेका छन् । ओली प्रचण्ड गुटका नेताहरु गृहमन्त्री रामबहादुर थापा बादल, उद्योग, वाणिज्य तथा आपूर्तिमन्त्री लेखराज भट्टलाई कुनै हालतमा हटाउन चाहदैनन् । दुवै जनाले ओलीलाई दरोसँग साथ दिइरहेका छन् ।

तर प्रचण्डको अडान अहिले बादल र लेखराजलाई हटाउने छ । जसरी पनि यी दुई मन्त्रीलाई हटाउनुपर्ने अडानमा प्रचण्ड छन् । पछिल्लो समय आफूलाई पटक पटक धोका दिइरहेको भन्दै प्रचण्डले यी दुई मन्त्री हटाउनैपर्ने दबाब ओलीलाई दिइरहेका छन् । तर तत्कालै उनीहरुलाई हटाईहाल्ने पक्षमा भने ओली छैनन् ।

जसकारण पटक पटक बैठक बसेपनि ओली र प्रचण्डबीच मन्त्रिपरिषद पुनर्गठनका विषयमा कुरा मिल्न सकेको छैन् । यस्तै प्रचण्डले टोपबहादुर रायमाझी, हरिबोल गजुरेल र प्रभु साहलाई पनि मन्त्री बनाउन चाहेका छैनन् ।

आफ्नो गोजीमा रहेका नेताहरुलाई मात्रै मन्त्री बनाउने प्रचण्ड योजनाबाट चित्त नबुझाएका ओलीले तत्कालै मन्त्रीमण्डल फेरबदलमा चाँसो दिएका छैनन् । प्रचण्डको योजनामा चुनाव हारेका नारायणकाजी श्रेष्ठ र वामदेव गौतमलाई मन्त्री बनाउने छ ।

दुवै हारेका नेताहरुलाई मन्त्री बनाएर सरकारको थप आलोचना गर्ने प्रचण्डको दाउ पनि ओलीलाई मन परेको छैन् । मन्त्रालय फुटाएर ६ जना नयाँ मन्त्री बनाउने योजना अघि सारिएपनि तर अहिलेसम्म भने क कसलाई मन्त्री बनाउने र क कसलाई हटाउने भन्ने विषयमा दुई अध्यक्षबीच सहमति हुन सकेको छैन् ।