युवराज र लोकदर्शनलाई राजदूत बनाएपछि प्रधानमन्त्री ओलीको आलोचना चुलियो
नेपालबहस संवाददाता
असोज १५, २०७७ बिहिबार २१:२७:२२
१५ असोज, काठमाडौं । पार्टीमा र सरोकारवालासँग छलफल नै नगरी कर्मचारीलाई राजदूत बनाएपछि सत्तारुढ नेकपाभित्र र बाहिर प्रधानमन्त्री केपी शर्मा ओलीको आलोचना चुलिएको छ । खासगरी कर्मचारीलाई राजदूत बनाएको र यसबारे पार्टीभित्र छलफल नै नगरी बिहीबारको मन्त्रिपरिषद बैठकबाट अमेरिकाका लागि युवराज खतिवडा, बेलायतका लागि लोकदर्शन रेग्मीलाई राजदूत सिफारिस गरेको भन्दै नेकपाभित्रै असन्तुष्टि चुलिएको हो ।
यसबारेमा पार्टी भित्र मात्रै होइन, बाहिर पनि आलोचना बढेको छ । पूर्वअर्थमन्त्री रहेका खतिवडालाई ओलीले हालै प्रधानमन्त्रीको विशेष आर्थिक सल्लाहकारमा नियुक्त गरेका थिए । पूर्वमन्त्रीपछि प्रधानमन्त्रीको आर्थिक सल्लाहकार बनेका खतिवडालाई फेरि अमेरिकाका लागि नेपाली राजदूतमा सिफारिस गरेपछि सरकारको आलोचना चुलिएको हो ।
यस विषयमा पार्टी सचिवालयका नेताहरुलाई समेत जानकारी नगराइएको नेताहरुको भनाई छ । नेकपामा कुनै निर्णय गर्दा पार्टी सचिवालय बैठकमा छलफल हुने गरेको छ । तर यस विषयमा पार्टीमा समेत छलफल नभएको नेताहरुले बताएका थिए ।
ओली-खतिवडा लक्षित व्यंग्य वाण !
एकाएक एकलौटी निर्णय गरिनुका साथै कर्मचारीलाई राजदूत बनाएपछि यसको आलोचना झन् चुलिएको छ । खासगरी ओलीको चाकरी गर्ने निवर्तमान मुख्यसचिव लोकदर्शन रेग्मी र पूर्वअर्थमन्त्री खतिवडालाई राजदूत बनाईनुले ओली झन एकमुखी निर्णय गर्न थालेको चर्चा पनि छ । खासगरी एउटै व्यक्तिलाई धेरैपटक नियुक्ती दिएको भन्दै खतिवडाको आलोचना बढ्दो छ ।
फेसबुकमा विष्णु चापागाई लेख्छन्, ‘राजदुतको कार्यकाल सकिएपछि चाही कहाँ नियुक्ति लिने होला भन्ने चिन्ताले माननीय युवराज खतिवडा कतै डिप्रेसनमा त जानु हुन्न नी ? मान्छे चाही साह्रै भाग्यमानी । अमेरिकाका लागि नवनियुक्त नेपाली राजदुत ज्युलाई हार्दिक बधाई ।’
यस्तै पत्रकार ऋषिकेश दाहाल ट्वीटरमा लेख्छन्, ‘नेपाल राष्ट्र बैंकका गभर्नर, राष्ट्रिय योजना आयोगका उपाध्यक्ष, अर्थमन्त्री अनि अब राजदूत। एक पद सकिँदा अर्को पदको पत्र बुझ्न पाउने उनीजति क्षमतावान यो मुलुकले पाउन सकेको छैन ।’
सामाजिक सञ्जाल प्रयोगकर्ताले आफ्नालाई युरोप अमेरिका राजदूत बनाएर पठाउने मात्रै होइन, चुनाव हारेक अयोग्यलाई राष्ट्रियसभामा लैजानु पनि सरकारको लाचारीपन भएको बताएका छन् ।
‘दक्ष भनिएका मानिस अमेरिका, बेलायत पठाउनुपर्ने रहेछ’ फेसबुकमा दीपक अधिकारी लेख्छनु, ‘चुनावमा हारेर अदक्ष सावितलाई राष्ट्रिय सभामा लग्नु पर्ने रहेछ ।’
प्रचण्डसँगको सहमति फेरि लत्याए ओलीले !
यसअघि आफूखुशी दल फुटाउने अध्यादेश ल्याएपछि प्रधानमन्त्री ओलीको राजीनामा माग गरिएको थियो । सोही प्रकरणबाट निरंकुश प्रधानमन्त्री बनेको आरोप खेपिरहेका ओलीले ६ महिनासम्म पार्टीभित्रै अल्पमतमा रहेर संघर्ष गर्नुपरेको थियो । फेरि अहिले पार्टीको योजना र सहमतिविपरित आफूखुशी राजदूत नियुक्त गरेपछि उनको राजीनामा माग उठ्न सक्ने नेताहरुको भनाई छ ।
राजदूत नियुक्तीमा विपक्षी पार्टीको समेत सुझाव र सल्लाह आवश्यक ठानिन्छ । देशको परराष्ट्र नीतिलाई कार्यान्वयन गर्ने र बाहिर प्रस्तुत हुँदा एकमत हुनुपर्ने कारण पनि राजदूतमा सर्वमान्य व्यक्तिलाई नियुक्ती दिनुपर्ने परराष्ट्रविदको धारणा छ । यसैका लागि विज्ञहरुका साथै कम्तीमा सत्तारुढ दल र विपक्षी पार्टीका नेताहरुसँग पनि छलफल गर्नुपर्ने हुन्छ । तर ओलीले आफ्नै पार्टीमा छलफल नगरेपछि झन आलोचना चुलिदो छ ।
नेकपाभित्र बढ्दो विवाद समाधान गर्दा ओली र प्रचण्डबीच आपसी समझदारीमा पार्टी र सरकार चलाउने सहमति भएको थियो । स्थायी कमिटी बैठकले नै आपसी सहमति र सल्लाह गरेर पार्टीको निर्णय अनुसार सरकार चलाउने भनिएपनि ओलीले परामर्श नगरेपछि आन्तरिक असन्तुष्टि बढेको हो । यसले तत्कालै सचिवालय बैठक बोलाएर ओलीमाथि प्रश्न उठाउनुपर्ने बाध्यता आइलाग्ने पनि देखिन्छ ।
बिहीबार नियमित भनिएको मन्त्रिपरिषद बैठकले अमेरिकाका लागि नेपाली राजदूतमा युवराज खतिवडा, बेलायतका लागि लोकदर्शन रेग्मी र दक्षिण अफ्रिकाका लागि डा.निर्मला विश्वकर्मा सिफारिस गरेको थियो । यस्तै बैठकले मुख्यसचिवमा बैरागी काइँलालाई नियुक्त गर्ने निर्णय गरेको छ । तर यो निर्णलगत्तै सामाजिक सञ्जालमा सरकारको चर्को आलोचना भइरहेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपजीवन चलाउने कि प्रहरीका उच्च अधिकारी खेलाउने ? सुनौँ अडियो
चैत ५, २०८० सोमबार
काली कम्बल वाले बाबा फरार, आयोजकलाई समात्न खोज्दा झडप
आबिद हुसेन
चैत ४, २०८० आइतबार
विनोद चौधरीलाई पक्राउ गर्ने सीआईबीको तयारी
नेपालबहस संवाददाता
चैत ४, २०८० आइतबार
जीवन चलाउने कि प्रहरीका उच्च अधिकारी खेलाउने ? सुनौँ अडियो
नेपालबहस संवाददाता
चैत ५, २०८० सोमबार
हुण्डीको कारोबारामा संलग्न रहेको आरोपमा वीरगञ्जबाट एक जना पक्राउ
चैत ५, २०८० सोमबार
बन्दुकसहित दुर्गा प्रसाईंका सुरक्षा गार्ड पक्राउ
चैत ५, २०८० सोमबार
शासकहरू
चैत ५, २०८० सोमबार
काभ्रेका अठार स्थानमा आगलागी, सात घाइते
चैत ६, २०८० मंगलबार
शुक्लाफाँटाका बेरोजगारलाई सय दिनको रोजगारी उपलब्ध गराइने
चैत ६, २०८० मंगलबार
पशु बीमा गर्न कठिन भएकाे किसानकाे गुनासाे
चैत ६, २०८० मंगलबार
घाइते भन्छन्:- चालकको लापरबाहीले दुर्घटना भयो
चैत ६, २०८० मंगलबार