थप १९११ जनामा संक्रमण पुष्टि, उपत्यकामा मात्रै ९४३ जना थपिए !

१५ असोज, काठमाडौं । नेपालमा पछिल्लो २४ घण्टामा झण्डै दुई हजार जनामा कोरोना संक्रमण पुष्टि भएको छ । विभिन्न प्रयोगशालामा १२ हजार ४४४ जनामा गरिएको परीक्षणमा १ हजार ९ सय ११ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

तीमध्ये काठमाडौं उपत्यकामा ९४३ जना नयाँ संक्रमित थपिएका छन् । संक्रमितमध्ये काठमाडौंका ८१७, भक्तपुरका ५८ र ललितपुरका ६८ जना रहेका मन्त्रालयले जनाएको छ ।

पछिल्लो २४ घण्टामा कोरोना भाइरस संक्रमण निको भएर ९६१ जना घर फर्केका छन् । यससँगै अहिलेसम्म सक्रिय संक्रमितको संख्या २१ हजार नाघेको छ भने झण्डै ५५ हजार मानिस निको भएर घर फर्किएका छन् ।