च्याम्पियन्स लिगको समूह चरणमै रोनाल्डो र मेस्सीको भीडन्त

१६ असोज, एजेन्सी । च्याम्पियन्स लिग फुटबलको समूह चरणमै यसपटक मेस्सी र रोनाल्डो भिड्ने भएका छन् । युईएफएले सार्वजनिक गरेको ड्र अनुसार युभेन्ट्स र बार्सिलोना एकै समूहमा परेका छन् । मेस्सीको टिम बार्सिलोना र रोनाल्डोको टिम युभेन्ट्स समूह जी मा परेपछि यी दुईको भिडन्त समूह चरणमै हुने भएको हो । यस्तै यो समूहमा डाइनामो किभ र फेरेन्सभारेस रहेका छन् ।

साविक विजेता बायर्न म्युनिख भने समूह ए मा परेको छ । यस समूहमा एट्लेटिको मड्रिड, लोकमोटिभ मोस्क्भा र साल्जवर्ग रहेका छन् । समूह बी मा रियल मड्रिड, शाक्तर डोनेस्क, इन्टर मिलान र मोन्चेलबीच रहेका छन् ।

समूह सी मा पोर्टो, म्यानचेस्टर सिटी, ओलम्पियाकोस र मार्सेली छन् । यस्तै समूह डी मा लिभरपुल, आयाक्स, एटलान्टा र मिडजिल्याण्ड परेका छन् । समूह इ मा सेभिया, चेल्सी, क्रास्नोडार र रेनस पर्दा समूह एफ मा जेनिट सेन्ट पिटर्सबर्ग, बोरुसिया डर्टमण्ड, लाजियो र क्लब ब्रुगा रहेका छन् ।

यस्तै समूह एच मा पेरिस सेन्ट जर्मेन, म्यानचेस्टर युनाइटेड, आरबी लाइपजिग, इस्तानबुल बसाकसेइर रहेको छ ।