ह्यारीको ह्याट्रिकमा टोटेनह्यामको जित

१६ असोज, एजेन्सी । युरोपा लिगमा टोटेनह्याम विजयी भएको छ । ह्यारी केनले ह्याट्रिक गरेपछि प्ले अफको खेलमा इजरेली क्लब माराबी हाइफालाई टोटेनह्यामले ७–२ फराकिलो गोल अन्तरले पराजित गरेको हो । उसको जितमा ह्यारीले ह्याट्रिक गर्दा जियोवानी लो सेलोले दुई तथा लुकास मौरा र डेली अलीले एक एक गोल गरे ।

खेलको दोस्रो मिनेटमा टोटेनहमलाई अघि बढाएका कप्तान केनले ५६ औं मिनेटमा पेनाल्टीमा दोस्रो गोल गरे भने ७४ औं मिनेटमा ह्याट्रिक पुरा गरेका थिए ।

इजरेली क्लबका लागि टार्जन चरी र निकिता रुक्यवत्सयाले एक एक गोल फर्काएका थिए । पछिल्ला ५ दिनमा तेस्रो खेल खेल्न टोटेनहम मैदान उत्रिएको थियो । मंगलबार मात्र टोटेनहमले लण्डन क्लब चेल्सीलाई हराएको थियो ।