मध्यपहाडी लोकमार्गमा सहज सञ्चार सेवा पु¥याउँदै नेपाल टेलिकम
नेपालबहस संवाददाता
असोज १६, २०७७ शुक्रबार २०:२६:३९
१६ असोज, बलेवा । नेपाल टेलिकम बागलुङले पुष्पलाल मध्यपहाडी लोकमार्गको झिँवाखोला–भल्कोट खण्डमा दूरसञ्चार सञ्जालमा देखिएको समस्या समाधानका लागि काम थालिएको छ ।
दूरसञ्चार सञ्जालमा देखिएको समस्या समाधानका लागि नेपाल टेलिकमले बागलुङको निसीखोलामा टावर विस्तार गर्न थालिएको हो । बागलुङ, रुकुम र रोल्पाको सिमानामा पर्ने तिलाचन धुरीमा टावर निर्माणको काम थालिएको नेपाल टेलिकम बागलुङका प्रमुख केशव शर्माले जानकारी दिए ।
उनका अनुसार बागलुङको निसीखोला, रुकुमको भुमे र रोल्पाको सुनछहारी गाउँपालिकामा सहज सञ्चार सेवाका लागि टावर निर्माण गर्न थालिएको छ । टेलिकमको नेटर्वक नरहेका क्षेत्रमा निजी क्षेत्रका दूरसञ्चार प्रदायक कम्पनीको समेत पहुँच पुगेको छैन् । मध्यपहाडी लोकमार्गको झिँवाखोला–भल्कोट खण्डमा समेत दूरसञ्चारको सञ्जाल नहुँदा पर्यटक र स्थानीयवासी मर्कामा पर्दै आएको थियो । सञ्चार सेवाबाट वञ्चित भएको उक्त क्षेत्रमा टावर सञ्चालनमा आउने भएपछि स्थानीयवासी खुशी भएका छन् ।
निसीखोला–६ स्थित तिलाचनको धुरी सामुन्द्रिक सतहबाट अन्दाजी तीन हजार ४ सय ८६ मिटरको उचाइमा पर्छ । “मूल सडक आसपास मोवाइलमा फोन नलाग्ने समस्या थियो”, गाउँपालिकाका अध्यक्ष तारानाथ पौडेलले भने, “टेलिकमको टावर बनेपछि जनजीवन सहज बन्छ ।” झण्डै रु एक करोडको लागतमा ‘फोर जी’ सुविधासहितको टावर निर्माण गर्न लागिएको प्रमुख शर्माले जानकारी दिए । सौर्य उर्जाको उपयोग गर्न सकिने गरी निर्माण हुन लागेको टावर आगामी मंसिरसम्ममा सञ्चालनमा ल्याउने तयारी भैरहेको उनको भनाइ छ । “हिउँ पर्नु पूर्व नै सेवा सञ्चालनमा आउँछ”, प्रमुख शर्माले भने, “भवन निर्माण र उपकरण धुरीसम्म पु¥याउने काम शुरु भैसकेको छ ।”
झण्डै एक वर्ष अघिदेखि नै तिलाचन धुरीमा टावर निर्माणको प्रयास भएपनि तीन जिल्लाको सीमा विवादका कारण जग्गा प्राप्ति हुन नसक्दा काम रोकिएको थियो । “अहिले गाउँपालिकामार्फत सरकारी जग्गा प्राप्त भएपछि नेपाल टेलिकमले टावर निर्माण शुरु गरेको छ”, उनले भने, “निसीखोलामै पर्ने गरी टावर निर्माण हुन्छ ।” टावर सञ्चालनमा आएपछि ढोरपाटन घुम्न जाने पर्यटकका लागि ‘फोर जी’सहितको सञ्चार सेवा उपलव्ध हुने गाउँपालिकाका अध्यक्ष पौडेलले बताए । तीन जिल्लाका तीनवटै गाउँपालिकामा सहज सञ्चार पुग्ने गरी टावरमा निर्माण भइरहेको बताइएको छ ।
यस्तै, नेपाल टेलिकमले गलकोट नगरपालिका–९ देउपुर डाँडामा रहेको मोवाइल टावरको स्तरोन्नति गरेको छ । टेलिकमले ग्रामीण क्षेत्रमा मोवाइल डाटा सहजै उपलब्ध गराउने उद्देश्यले बिहिबारदेखि तेस्रो पुस्ताको थ्री जी सेवा विस्तार शुरु गरेको प्रमुख शर्माको भनाइ छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपटेलिफोन अवरुद्ध हुँदा भोटखोलाका नागरिक सञ्चार सेवाबाट वञ्चित
चैत २७, २०८० मंगलबार
नेपाल टेलिकमले विमानस्थलमा निः शुल्क इन्टरनेट सेवा उपलब्ध गराउने
फागुन ११, २०८० शुक्रबार
दूरसञ्चार प्राधिकरणका अध्यक्ष पुरुषोत्तम खनालले दिए राजीनामा
पुष २४, २०८० मंगलबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
इलाम उपनिर्वाचनमा कांग्रेस
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
बागमती मन्त्रिपरिषद् बैठक : लैङ्गिक तथा यौनिक अल्पसङ्ख्यक नीति स्वीकृत
बैशाख १२, २०८१ बुधबार
स्याङ्जामा आगोले पाइप जलेपछि खानेपानीको समस्या
बैशाख १२, २०८१ बुधबार
खोटाङमा डढेलो निभाउने क्रममा जलेर वृद्धको मृत्यु
बैशाख १२, २०८१ बुधबार
महोत्तरीको मटिहानीमा आगोले बस्ती नै सखाप
बैशाख १२, २०८१ बुधबार
इलाम उपनिर्वाचनमा कांग्रेस
बैशाख १२, २०८१ बुधबार
पूर्वसभामुख अग्नि सापकोटाविरुद्धको मुद्दामा 'हेर्दहेर्दै', अर्को सुनुवाई जेठ २३ मा हुने
बैशाख १२, २०८१ बुधबार