नेपाल तरुण दल वीपीद्धारा संघगठन विस्तारलाई तिव्रता

१६ असोज, काठमाडौं । नेपाली कांग्रेस ‘वीपी’को भातृ संघ नेपाल तरुण दल ‘वीपी’ काठमाडौंले आफ्नो संघगठन विस्तारलाई तिव्रता दिएको छ ।

शुक्रबार नेपाल तरुण दल ‘वीपी’ का काठमाडौं अध्यक्ष सूर्यनारायण शर्मा ‘सुरु’ को सभापतित्व तथा पार्टीका महामन्त्री तथा पूर्वमन्त्री सुशीलमान शेरचनको प्रमुख आतिथ्यमा पार्टीका महामन्त्री पुष्पराज पराजुली, पार्टीका सहमहामन्त्री तथा प्रवक्ता देवेन्द्र प्रकाश पौडेल, पार्टीका केन्द्रीय सदस्य तथा भातृ संघका प्रमुख र पदाधिकारी लगायतको उपस्थितिमा काठमाडौं नेपाल तरुण दल ‘वी पी’ १० नम्बर क्षेत्रीय कार्यसमिति र कीर्तिपुर नगर कार्यसमिति घोषणा गरेको छ ।

विष्णु बास्कोटाको अध्यक्षतामा १० नम्बर क्षेत्रीय कार्यसमिति ११ सदस्यीय र मिलन महर्जनको अध्यक्षतामा ११ सदस्यीय कीर्तिपुर नगर कार्यसमिति घोषणा गरेको छ ।