जेम्सको २ गोलमा एभर्टनको लगातार चौथो जित

१८ असोज, एजेन्सी । इंग्लिस प्रिमियर लिग फुटबलमा एभर्टनले लगातार चौंथो जित निकालेको छ । घरेलु मैदानमा शनिबार राति ब्राइटनलाई ४ २ गोल अन्तरले हराउँदै एभर्टनले लगातार चौंथो जित निकालेको हो ।

गोडिसन पार्कमा एभर्टनलाई जित दिलाउन जेम्स रोड्रिगेजले दुई गोल गरे । यस्तै डोमिनिक लेविन र एरि मिनाले एक एक गोल गरे । ब्राइटनका निल माउपे र युभेस बिसोउमाले एक एक गोल फर्काए ।

एभर्टनले ४ खेलमा ४ जितसहित १२ अंक जोडेको छ । ब्राइटन ४ खेलमा ३ अंक जोडेर १४ औं स्थानमा रहेको छ ।