कांग्रेस केन्द्रीय कार्यालय असोज २२ सम्म बन्द

१८ असोज, काठमाडौं । नेता र कार्यकर्तामा कोरोना संक्रमण देखिएपछि नेपाली कांग्रेसको केन्‍द्रीय कार्यालय ५ दिनका लागि बन्द गरिएको छ । अर्जुननरसिंह केसी, गगन थापा लगायतका नेताहरुमा कोरोना देखिएपछि असोज २२ गतेसम्म कार्यालय बन्द गरिएको हो ।

कार्यालयका मुख्य सचिव कृष्णप्रसाद पौडेलका अनुसार असोज १५ गते पीसीआर जाँचका लागि पार्टी कार्यालयबाटै नेताहरुले स्वाब दिँदा केही नेताहरुमा कोरोना देखिएको छ । अरु नेताहरुको पनि स्वाब संकलन गर्ने क्रम जारी रहेकाले संक्रमण थप बढ्न सक्ने भन्दै कांग्रेसले पार्टी कार्यालय बन्द गरेको हो ।