सर्वोच्च पुग्यो कोरोना : न्यायाधीशलाई संक्रमण, प्रधानन्यायाधीश क्वावरेन्टाइनमा !

१८ असोज, काठमाडौं । सर्वोच्च अदालतका एक न्यायाधीशलाई कोरोना संक्रमण पुष्टि भएको छ । एक न्यायाधीशमा कोरोना संक्रमण पुष्टि भएपछि प्रधानन्यायाधीशसहित १७ जना क्वारेन्टाइनमा बसेका छन् ।

फूलकोटमा बसेका एक न्यायाधीशमा कोरोना संक्रमण पुष्टि भएपछि सर्वोच्चमा उच्च सतर्कता अपनाइएको छ । आफ्नो छोरापछि आफूमा पनि कोरोना संक्रमण पुष्टि भएपछि उनी आइसोलेसनमा बसेका हुन् ।

सर्वोच्च अदालतले एक सूचना जारी गर्दै प्रभावित न्यायाधीश र कर्मचारी आईसोलेसन र क्वारेन्टाइनमा बसेको जनाएको छ । आइतबार सर्वोच्चमा एउटा मात्र इजलाश गठन भएको छ। न्यायाधीश मनोज शर्माको इजलाशमा मात्र पेशी तोकिएको छ।

प्रधानन्यायाधीशसहित अन्य सबै न्यायाधीश कन्ट्याक्ट ट्रेसिङमा परेकाले उनीहरु क्वारेन्टाइनमा बसेका हुन्। संक्रमण पुष्टि भएका बाहेक न्यायाधीशको स्वाब आइतबार संकलन गर्ने तयारी सर्वोच्चले गरेको छ।