रत्नपार्कबाट भक्तपुर पुर्याएर बसमा युवतीको बलात्कार, चालक र खलासी पक्राउ

१८ साउन, काठमाडौं । रत्नपार्कबाट भक्तपुर पुर्याएर युवतीको सामूहिक बलात्कार गर्ने दुई जनालाई प्रहरीले सार्वजनिक गरेको छ । १७ बर्षीया किशोरीलाई बेहोस हुने ट्याब्लेट खुवाएर बसभित्रै सामूहिक बलात्कार गर्ने चालक र खलासी पक्राउ परेका हुन् ।

महानगरीय प्रहरी परिसर, भक्तपुरले युवतीको बलात्कार गर्ने सिन्धुपाल्चोकको साँगाचोक गढी नगरपालिका–१० घर भएका २२ वर्षीय निरकुमार खड्का र खलासी सुर्य श्रेष्ठलाई सार्वजनिक गरेको हो ।

भक्तपुर–८, कालाँचामा रोकिराखेको बा ३ ख २६१२ नम्बरको बसमा चालक खड्कासहित तीन जनाले युवतीमाथि बलात्कार गरेका थिए । चालक, सहचालक र अर्का युवा मिलेर युवतीको पालैपालो बलात्कार गरेर भागेका थिए । तर युवतीले लगत्तै प्रहरीमा उजुरी दिएकाले महानगरीय प्रहरी वृत्त, जगातीले दुईजनालाई पक्राउ गरेर सार्वजनिक गरेको हो ।

यो पनि पढ्नुहोस

भक्तपुरमा बसभित्रै १७ बर्षीया किशोरीमाथि सामूहिक बलात्कार