लेभान्टेलाई हराउँदै रियल ला लिगाको शीर्ष स्थानमा

एजेन्सी । स्पेनिस ला लिगा फुटबलमा साविक विजेता रियल मड्रिडले लेभान्टेलाई हराएको छ । आइतबार राति भएको खेलमा रियलले लेभान्टेलाई २-० गोल अन्तरले पराजित गरेको हो । लेभान्टेको मैदानमा रियललाई जित दिलाउन भिनिसियस जुनियर र करिम बेन्जिमाले गोल गरे ।

जितसँगै रियल तालिकाको शीर्ष स्थानमा उक्लिएको छ । रियलले ४ खेलमा ३ जितसहित १० अंक जोडेको छ । लेभान्टे ४ खेलमा ३ अंक जोडेर १८ औं स्थानमा रहेको छ ।

ला लिगा अन्तर्गत नै अर्को खेलमा ओसासुनाले सेल्टा भिगोलाई २-० ले हराएको छ । यस्तै डिपोर्टिभो अल्भेसले एथ्लेटिक बिल्बाओलाई १-० ले हराएको छ । बार्सिलोना भने सेभिल्लासँग एक एक गोलको बराबरीमा रोकिएको छ ।