कांग्रेसको अवरोधले प्रदेश ५ को प्रदेशसभा बैठक स्थगित

१९ असोज, बुटवल । प्रमुख विपक्षी नेपाली कांग्रेसले विरोध गरेपछि प्रदेश ५ को प्रदेशसभा बैठक केही समयका लागि स्थगित भएको छ । सरकारले दाङको भालुवाङलाई प्रदेशको स्थायी राजधानी बनाउने प्रस्ताव ल्याएको भन्दै कांग्रेसले विरोध गरेपछि बैठकमा अवरोध भएको थियो ।

बैठकको सुरुमै संसदीय दलका नेता वीरेन्द्र कनौडियाले राजनीतिक सहमति गरेर प्रस्ताव ल्याउनुपर्ने बताए । लगतै सांसदहरुले रोष्टम घेराउ गरेका थिए । उनीहरुले संसदीय मर्यादा कायम राख्न, राजधानी विशेष समितिको प्रतिवेदन सार्वजनिक गर्नुपर्ने लगायतका माग राखेका छन् ।

अवरोधका बीच बैठक चल्न नसक्ने देखिएपछि प्रदेशसभा बैठक २ बजेसम्मका लागि स्थगित गरिएको छ ।