आईपीएलमा आज चेन्नेई र कोलकत्ता खेल्दै

२१ असोज, एजेन्सी । आईपीएल क्रिकेटमा आज राती चेननेई सुपरकिंग्स र कोलकत्ता नाईट राइडर्स खेल्दैछन् । खेल राती पौने ८ बजेदेखि दुबईमा शुरु हुनेछ । पछिल्लो खेलमा पञ्जाबलाई १० विकेटले हराउँदै चेन्नेई फर्ममा देखिएको संकेत दिएको छ ।

चेन्नेईका फाफ डुप्लेसिससँगै शेन वाट्सन पनि फर्ममा फर्किएका छन् । उनी पछिल्लो खेलमा म्यान अफ दी म्याच चुनिएका थिए । यस्तै कोलकत्ताका इयोन मोर्गन, नितिश राना र आन्द्रे रसेल पनि फर्ममा देखिएका छन् । पूराना तथा विष्फोटक व्याट्सम्यानले भरिएका दुबै टोलीको प्रतिष्पर्धा रोचक हुने अनुमान गरिएको छ ।

४ खेलबाट ४ अंक जोडेको कोलकत्ता लिगको चौथो स्थानमा छ भने समान अंक भएको चेन्नेई रनरेटका आधारमा पाँचौ स्थानमा छ । चेन्नेईको कप्तानी धोनीले गरेका छन् भने कोलकत्ताको कप्तानी दिनेश कार्तिकले गरेका छन् ।