बुटवलको कोरोना अस्पतालमा दुई जना संक्रमितको मृत्यु

२१ असोज, रुपन्देही । बुटवलको कोरोना विशेष अस्थायी अस्पतालमा दुई जनाको मृत्यु भएको छ । बुटवल र नवलपरासी पश्चिमका दुईजना संक्रमितको उपचारका क्रममा बुधबार बिहान मृत्यु भएको छ हो ।

मृत्यु हुनेमा बुटवल उपमहानगरपालिका वडा नंं. ९ की ५५ वर्षीया महिला र सुनवल नगरपालिका–५ का ७६ वर्षीय पुरुष छन् । असोज १६ गते कोरोना पोजिटिभ पुष्टि भई आईसीयूमा उपचाररत पुरुषको गएराति १२ः५० बजे र १७ गते अस्पताल भर्ना भएकी महिलाको बुधबार बिहान ५ बजे मृत्यु भएको हो ।

दुवै संक्रमितमा सुक्खा खोकी, उच्च ज्वरो र उच्च रक्तचापको समस्या रहेको थियो । पछिल्लो समय बुटवलमा पनि कोरोना संक्रमितको मृत्यु हुने दर बढ्दै गएको छ ।