सरकारी वार्ता टोली र डा.केसीका प्रतिनिधिबीच पहिलो वार्ता हुदैँ

२२ असोज, काठमाडौं । २५ दिनदेखि अनशनरत डा.गोविन्द केसीका मागका विषयमा छलफल गर्न सरकारी वार्ता टोली र डा.केसीका प्रतिनिधिबीच आज पहिलो वार्ता हुदैछ । अहिले साढे १० बजेदेखि शिक्षा मन्त्रालयमा वार्ता शुरु हुन लागेको डा.केसीका सहयोगी प्रितम सुवेदीले जानकारी दिए ।

डा.केसीले कर्णालीमा एमबिबिएस पढाउन शुरु हुनुपर्ने लगायतका माग राखेका छन् । चौतर्फी दबाब बढेपछि सरकारले हिजो शिक्षासचिव गोपीनाथ मैनालीको नेतृत्वमा ३ सदस्यीय समिति गठन गरेको थियो । लगत्तै डा.केसी पक्षले पनि डा.जीवन क्षेत्रीको नेतृत्वमा चार सदस्यीय वार्ता समिति गठन गरेको थियो ।

डा.केसीको स्वास्थ्य अवस्था जटिल बनेपछि माग सम्बोधनका लागि सरकारलाई दबाब बढ्दै गएको छ ।