फिनल्याण्डमा १६ बर्षीया किशोरी बनिन् प्रधानमन्त्री

२२ असोज, एजेन्सी । फिनल्याण्डमा १६ बर्षीया किशोरी प्रधानमन्त्री बनेकी छिन् । प्रधानमन्त्री सन्ना मरिनले १६ वर्षीया आभा मुर्तोलाई आज एक दिनका लागि प्रधानमन्त्री बनाइएकी हुन्। उनलाई कुनै नयाँ निर्णय गर्ने वा कानुन बनाउने अधिकार नभएपनि प्रविधिमा महिला अधिकारबारे राजनीतिज्ञहरुसँग दिनभर बैठक बसाउने छुटसहित प्रधानमन्त्री बनाइएको हो।

संयुक्त राष्ट्रसंघको बालिका दिवसको अवसरमा ‘च्यारिटी’ का लागि फिनल्याण्डले यस्तो कार्यक्रम आयोजना गरेको हो। आभाले एक दिनको प्रधानमन्त्री हुँदा आफूले रमाइलो महसुस गरेकी बताएकी छन्। उनले बैठकपछि पत्रकारका प्रश्नको समेत सामना गरेकी छिन्। आभा फिनल्यान्डमा जलवायु परिवर्तन र मानवअधिकारका विषयमा सक्रिय अभियन्ता हुन् ।