काठमाडौंमै ७ बर्षीया बालिकामाथि बलात्कार !

२२ असोज, काठमाडौं । देशको राजधानी काठमाडौं मै ७ वर्षीया बालिकामाथि बलात्कारको प्रयास भएको छ । बाग्मती करिडोरमा बलात्कार प्रयास गरेको आरोपमा एकजना पुरुष पक्राउ परेका छन् । पक्राउ पर्नेमा दाङ घोराही नगरपालिका ४ घर भइ महादेवस्थान बस्ने ४३ वर्षीय दुर्गे विक हुन् ।

बुधबार दिउँसो करिब पौने ४ बजे काठमाडौं महानगरपालिका ३२ महादेवस्थानस्थित बाग्मती करिडोरमा बालिकामाथि बलात्कारको प्रयास भएको स्थानीयको आरोप छ ।

स्थानीयले देखेपछि ती बालिकाको उद्दार गरेका थिए । बालिकाको उद्दारपछि स्थानीयले विकलाई नियन्त्रणमा लिएर प्रहरीलाई बुझाएका हुन् । ती बालिका सोही स्थानको भएको महानगरीय प्रहरी परिसर, काठमाडौंले जनाएको छ ।

बालिकालाई फकाएर करिडोर छेउमा लिएर बलात्कार गर्ने योजना उनको रहेको अनुमान छ । यद्यपि यसबारे थप अनुसन्धान भइरहेको प्रहरीको भनाई छ ।