दशैंमा खुल्ला ठाउँमा पिङ नहाल्न सरकारको आग्रह

२२ असोज, काठमाडौं । सरकारले दशैंको अवसरमा सार्वजनिक स्थलमा पिङ नहाल्न आग्रह गरेको छ । सार्वजनिक स्थलमा पिङ हाल्दा भिडभाड बढ्न गई कोरोना संक्रमण थप बढ्ने भएकाले सार्वजनिक स्थलमा पिङ नहाल्न र नखेल्न मन्त्रालयले आग्रह गरेको हो ।

मन्त्रालयका प्रवक्ता डा. जागेश्वर गौतमले कोरोना संक्रमण भयावह हुने अवस्था रहेकाले सतर्क रहन, सकेसम्म गाउँ नजान र सार्वजनिक स्थलमा भेला नहुन आग्रह गरेका हुन् । पछिल्लो २४ घण्टामा ४ हजार ३६४ जनामा कोरोना संक्रमण पुष्टि भएको छ ।

यो अहिलेसम्मकै सबैभन्दा धेरै संक्रमित संख्या हो । दशैंँपछि यो संख्या थप बढ्ने अनुमान गरिएको छ ।