नेकपा गल्याङमा पहिरो, १५१ सदस्य नेपाली कांग्रेसमा प्रवेश
नेपालबहस संवाददाता
असोज २२, २०७७ शुक्रबार १:३७:३२
२२ असोज, स्याङ्जा । गल्याङ नगरपालिका वडा न ११ साविक तुलसीभन्ज्याङ गाविसका १५१ जना युवाहरु सत्तारुढ नेकपा परित्याग गरि आज एक कार्यक्रमका बीच नेपाली कांग्रेसमा प्रवेश गरेका छन् । स्थानीय सरकारको नेतृत्व गरेको नेकपाले चरम भ्रष्टाचार गरेको भन्दै नेपाली कांग्रेसमा प्रवेश गर्नेको लर्को लागेको छ । नेकपा सरकारको निरंकुश रबैया विरुद्ध एकसय एकाउन्न नेकपा कार्यकर्ताले पार्टी परित्याग गरि नेपाली कांग्रेसमा प्रवेश गरेका हुन् ।
जनताको पार्टी नेपाली कांग्रेस भएको र यो देशको समृद्धिको लागि नेपाली कांग्रेसको अपरिहार्यता रहेको हुदाँ आफुहरु कांग्रेस प्रवेश गरेको नवप्रवेशी कृष्ण भट्टराईले मन्तव्यका क्रममा बताए । साथै गलत गर्ने नेकपाका नेताहरुले गलत काम गरे भने त्यसलाई गलत समेत भन्न नपाइने पार्टीको आन्तरिक नीतिले लोकतन्त्रलाई समेत गिज्याईरहेको उनको भनाई थियो ।
उनीहरुले बोल्ने स्वतन्त्रता समेत नभएको पार्टीमा बसेर देशमा कुनै परिवर्तन नहुने भन्दै नेपाली कांग्रेसमा प्रवेश गरेको बताएका छन् । भाषण राम्रै गरेअनुसार परिवर्तन पनि नेकपाले गर्ला भनेर नेकपाको समर्थन गरिए पनि बुझ्दै जाँदा बोल्ने अधिकार समेत नभएको पार्टीमा आएकोमा पछुतो लागेको उनीहरुले दावी गरेका थिए ।
उनीहरुलाई नेपाली कांग्रेसका महाधिवेशन प्रतिनिधि गुरुप्रसाद भट्टराई, कांग्रेस नेता लालगोपाल अर्याल, छवि गाहा, राजेन्द्र भट्टराई, डोलराज खनालको पहलमा पार्टी प्रवेश गराइएको स्थानीय नेता सुदीप गाहाले बताएका छन् । पार्टी प्रवेश कार्यक्रमलाई सम्बोधन गर्दै नेपाली कांग्रेस जिल्ला कार्यवाहक सभापति बुद्धिबहादुर राना कुमारले नेकपा एमाले र माओवादीले नाम फेरेर नेकपाको नामबाट राज्यको ब्रह्मलुट गरेको आरोप लगाए । उनले नेकपाको ब्रम्हलुट बिरुद्ध सबै आ-आफ्नो स्थानबाट जागरुक हुनुपर्ने बेला आएको बताए ।
कार्यक्रममा प्रदेशसभा सदस्य भागवतप्रकाश मल्ल, नेपाली कांग्रेस महाधिवेशन प्रतिनिधि गुरुप्रसाद भट्टराई, गल्याङ नगरसभापति श्याम बस्याल, नेपाल विद्यार्थी संघका महामन्त्री युवराज पाण्डे, पुर्व जिविस उपसभापति लालगोपाल अर्याल , स्थानीय तरुण नेता छवि गाहा लगाएयतले ती युवाहरुलाई स्वागत गर्दै आफुहरु जस्तोसुकै परिस्थितिमा पनि नवप्रवेशीहरुलाई साथ दिने बताए ।
नेकपाको नेतृत्वको स्थानीय सरकार रहेको गल्याङ नगरपालिकामा नेपाली कांग्रेस प्रवेश गर्नेहरु वडा न ११ का हुन जुन मेयर भुपराज अधिकारीको वडा समेत रहेको छ । नेपाली कांग्रेस वडा सचिव बिष्णु अधिकारिको स्वागत र उपसभापति नारायण ज्ञावालीको सभापतित्वमा सम्पन्न कार्यक्रमको संचालन सचिव राजेन्द्र भट्टराईले गरेका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपचैते झरीले बाटो हिलाम्य, ३० मिनेटको दूरीलाई चार घण्टा
चैत १६, २०८० शुक्रबार
एसइईमा गण्डकीबाट ४० हजार बढी विद्यार्थी सहभागी
चैत १५, २०८० बिहिबार
म्याग्दीका भिर पहरामा मह सिकार सुरु
चैत १४, २०८० बुधबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
पृथ्वीबाट अचानक रक्सी पूरै गायब भयो भने के हुन्छ ?
चैत १६, २०८० शुक्रबार
उप निर्वाचनलक्षित एजेन्डा पास गर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
यस्ता छन् बिहीबारको मन्त्रिपरिषद् बैठकको निर्णय
चैत १६, २०८० शुक्रबार
सेती नदीमा डुबेर डोटीमा एक किशोरको मृत्यु
चैत १६, २०८० शुक्रबार
कम्युनिष्टसँग सहकार्य गर्दा कांग्रेसले गुमाएको गौरव
चैत १६, २०८० शुक्रबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार