डा.केसीको अवस्था थप जटिल बन्दै, श्वासप्रश्वासमा समस्या !

२३ असोज, काठमाडौं । २६ दिनदेखि अनशनरत डा. गोविन्द केसीको स्वास्थ्य अवस्था जटिल बन्दै गएको छ । त्रिवि शिक्षण अस्पतालमा अनसनरत डा.केसीको स्वास्थ्य अवस्था जटिल बन्दै गएको उनको उपचारमा संलग्न डाक्टरहरुले बताएका छन् ।

डा. केसीको स्वास प्रस्वासमा थप कठिनाई भएको्र छ भने शरिरमा अक्सिजनको मात्रा घट्दै गएको छ । मेडिकल टिमले जाँच गर्दा निमोनिया हुन सक्ने लक्षणहरु देखिएको छ ।

समस्या बढ्दै गएपछि ठा.केसीको छातीको सिटी स्क्यान गर्ने तयारी भइरहेको मेडिकल टिमका ईन्चार्ज डा. सुवास आचार्यले जानकारी दिएका छन् । डा.केसीले अनसनमा उठाएको मागबारे सरकारी वार्ता टोलीसँग छलफल भइरहेपनि सहमति हुन सकेको छैन् ।